Літаратурны квэст “Павуціна”.

10 красавіка 2025 года ў рамках тыдня агульнаадукацыйных дысцыплін у каледжы быў праведзены выкладчыкам Емельянцавай В.М. літаратурны квэст “Павуціна” ў групе №7. Літаратурны квэст быў прызначаны пашырэнню ведаў пра першадрукара Францыска Скарыну, пра слаўныя постаці беларускай літаратуры. Падчас гульні навучэнцам прадставілася магчымасць уявіць літаратурныя сувязі ў выглядзе павуціны, разблытаць іх і зразумець, кім ёсць Скарына для нашага народа. Удзельнікі мерапрыемства праявілі кемлівасць і знаходлівасць, адказваючы на розныя пытанні, склалі пазл і растлумачылі выказванне пра асобу, якой ганарыцца кожны беларус. У канцы літаратурнага квэста знаўцы дзейнасці першадрукара падвялі вынік, што Францыска Скарына выдатны чалавек, які адкрыў беларускаму народу шлях да асветы, натхніў на ўласную творчасць. Ад падарожжа ў свет літаратуры ўсе атрымалі вялікае задавальненне.