Дзень роднай мовы ў нашым каледжы.

21 лютага -Дзень роднай мовы. З гэтай нагоды ва ўстанове адукацыі «Магілёўскі дзяржаўны электратэхнічны каледж» святочны дзень пачаўся з гучання меладычных песень на роднай мове і знаём ства з гісторыяй паходжання свята. Навучэнцы ў народных касцюмах віталі ўсіх і дарылі віншавальныя паштоўкі, закладкі для кніг, і канешне, добры настрой. Таксама пазнаёміліся са славутымі пісьменнікамі Беларусі, пісьменнікамі- юбілярамі, тлумачылі прыказкі, фразеалагізмы, прысвечаныя нашай роднай беларускай мове. У канцы святочнага дня прыхільнікі беларускай мовы пажадалі ёй заўсёды займаць сваё пачэснае месца сярод іншых моў, таму што мова яднае нацыю, народ і ўсіх людзей, якія пражываюць на тэрыторыі краіны.